पोखरा–१९ औं माछापुच्छ्रे बैंक खुला टेनिस प्रतियोगिताको उपाधि प्रदीप खड्काले जितेका छन् । पोखराकै टेनिस कोर्टमा प्रणव खनाललाई शीर्ष बरियताका प्रदीप खड्कासँग दोस्रो पटक पराजित हुन पुगे । शनिबार भएको फाइनल प्रतिस्पर्धामा प्रदीपले ६–३, १–६ र ७–५  को सेटमा पन्छाउँदै नगद ८० राशीको पुरस्कारसहित च्याम्पियन बने ।  

महिला तर्फको उपाधि भने अभिलाषा विष्टले जितिन् । उनले सर्वानी श्रेष्ठलाई सोझो सेटमा पन्छाइन् । सर्वानीलाई ६–२, ६–४ को सेटमा पराजित गर्दै उपाधि आफनो नाममा लेखाउन सफल भइन् । कमल भण्डारीलाई सोझो सेटमा पराजित गर्दै जितेन्द्र परियारले ३५ वर्षमाथि उमेर समूहको टेनिस उपाधि जिते । फाइनलमा भण्डारीलाई ६–०, ७–५ को सेटमा पराजित गर्दै च्याम्पियन बनेका हुन् ।  
त्यसैगरी ४५ वर्षमाथिको उमेर समूहको उपाधि भने रोहित सुनुवारले आफनो नाममा लेखाए । सुुनुवारले विमल गुरुङलाई ६–४, २–६ र १०–४ को सेटमा पराजित गर्दै उपाधि जितेका हुन् ।  

प्रतियोगितामा पुरुष एकल तथा महिला एकल तर्फका विजेताले नगद ८० हजार रुपैयाँ प्राप्त गरे । त्यसैगरी उपविजेताले समान ४०/४० हजार रुपैयाँ प्राप्त गरेका छन् । एकल तर्फ दुई सेमिफाईनलिष्ट महिला तथा पुरुषले समान १०/१० हजार रुपैया प्राप्त गरे । पुरुष युगल र महिला युगल विजेताले ३०/३० हजार पाउँदा उपविजेताले १५/१५ हजारको पुरस्कार राशी पाए । सेमिफानलिष्टलाई १०/१० हजार रुपैयाँ प्रदान गरिएको थियो ।

३५ वर्षमाथिको उमेर समूहको प्रतिस्पर्धामा विजेताले ६० हजार, उपविजेताले ३० हजार र सेमिफाईनलिष्ट खेलाडीद्वयले १०/१० हजार राशीको पुरस्कार पाए । यस्तै, युगल तर्फको इभेण्टमा विजेताले २० हजार र उपविजेताले १० हजार पाउँदा अन्तिम चारमा प्रवेश गर्ने अन्य दुई खेलाडीको हकमा पनि नगद १० हजार रुपैयाँ प्रदान गरिएको कास्की जिल्ला टेनिस संघले जनाएको छ ।  

४५ वर्षमाथिको उमेर समूहका विजेताले नगद ४० हजार, उपविजेताले नगद २० हजार र सेमिफाइनल खेल्ने खेलाडीले १० हजारसहित पदक तथा प्रमाणपत्र पाएका छन् । युगल तर्फ विजेताले २० हजार र उपविजेताले १० हजार तथा सेमिफाईनलिष्टले १० हजार थापे । ५५ वर्षको उमेर समूहको एकलले ३० हजार उपविजेताले १५ हजार र सेमिफाईनल खेल्ने खेलाडीले १० हजार पुरस्कार पाउँदा युगल प्रतिस्पर्धाको विजेताले २०, उपविजेताले १० र सेमफिाईनलिष्टले पनि १० हजार प्राप्त गरे । यसैगरी ६५ वर्ष माथिको उमेर समूहको विजेताले १५ हजार र उपविजेताले ७ हजार ५ सय पाउँदा सेमिफाईनलिष्टले २ हजार ५ सय रुपैयाँसहित पदक तथा प्रमाणपत्र प्राप्त गरेकाछन् । प्रतियोगितालाई माछापुच्छ्रे बैंकले मुख्य प्रायोजन गर्दै आएको छ ।