काठमाडौँ- त्रिभुवन विश्वविद्यालयले जाडो बढेसँगै हिउँदे बिदा गर्ने भएको छ । त्रिविअन्तर्गतका आंगिक र सम्बन्धन प्राप्त क्याम्पसमा यही पुस १७ गते आइतबारदेखि हिउँदे बिदा दिन लागेकाे हाे ।
त्रिवि कार्यकारी परिषद्ले पुस १७ गतेदेखि बढीमा २२ दिन हिउँदे बिदा गर्ने निर्णय गरेको त्रिविको सूचना तथा जनसम्पर्क महाशाखाका प्रमुख योगेन्द्रप्रसाद दाहालले जानकारी दिए ।
उनले उक्त समयमा पठनपाठन बन्द हुने र प्रशासनिक कार्य भने सञ्चालन हुने बताए । हिउँदे बिदाको समयमा तोकिएका परीक्षा भने नियमित सञ्चालन हुनेछन् । त्रिविमा ६२ आंगिक र १ हजार ४० सम्बन्धन प्राप्त क्याम्पस छन् ।
प्रकाशित मिति: शनिबार, पुस १६, २०७९ १३:४९
प्रतिक्रिया दिनुहोस्
