काठमाडौँ –पोर्चुगिज सुपर स्टार रोनाल्डो साउदी अरेबिया पुगेका छन् । अल नासरमा आबद्ध भएका रोनाल्डो सार्वजनिक कार्यक्रममा सहभागी हुन् सोमबार राति निजी विमानमा परिवारसहित रियाद पुगेको अन्तर्राष्ट्रिय सञ्चार माध्यमहरूले जनाएका छन् ।
अल नासर क्लबले मङ्गलबार एक भव्य कार्यक्रमबीच रोनाल्डोलाई सर्वाजनिक गर्दैछ । घरेलु मैदान मर्सुल पार्कमा नेपाली समय अनुसार राति ९ः४५ बजे भव्य कार्यक्रम गर्दै रोनल्डोलाई सार्वजनिक गरिने क्लबले जनाएको छ ।
म्यान्चेस्टर युनायटेडसँग सम्झौता रद्द गरेका ३७ वर्षीय रोनाल्डो कीर्तिमानी १७५ मिलियन पाउण्डमा साउदी प्रो लिग क्लब अल नासरमा आबद्ध भएका हुन् ।
विश्वकै सर्वोत्कृष्ट खेलाडी रोनाल्डोलाई हेर्न हजारौं मानिस मर्सुल पार्कमा उपस्थित हुनेछन् । अल नासरले रोनाल्डोको सार्वजनिक सन् २००९मा रियल म्याड्रिडले गरेजस्तै भव्य बनाउने बताएको छ ।
