काठमाडौं- हुस्सु र कुहिरोका कारण देशभरको हवाई सेवा अवरूद्ध भएको छ ।
विभिन्न जिल्लाका विमानस्थलको मौसम खराब रहेकाले सबै आन्तरिक उडान प्रभावित भएको त्रिभुवन अन्तर्राष्ट्रिय विमानस्थल कार्यालयले जनाएको छ ।
हुस्सुका कारण भिजिबिलिटी कम भएकाले आन्तरिक उडान हुन सकेको छैन । मौसम विस्तारै खुलिरहेको अवस्था भएकाले उडानहरू केही समयपछि सुरु हुने विमानस्थलले जनाएको छ ।
आन्तरिक उडान प्रभावित भए पनि अन्तर्राष्ट्रिय उडान भने जारी रहेको विमानस्थल कार्यालयले जनाएको छ ।
कार्यालयका अनुसार मौसममा क्रमिम रूपमा सुधार भइरहेकाले केही समयपछि आन्तरिक उडान पनि सुरु हुने छन् ।
आज बिहान तराईका धेरै भू–भागमा बाक्लो हुस्सु तथा कुहिरो लागेको छ ।
प्रकाशित मिति: बुधबार, पुस २०, २०७९ १०:०६
प्रतिक्रिया दिनुहोस्
