काठमाडौं –काठमाडौं नाईट्सलाई १०२ रनको फराकिलो अन्तरले पराजित गर्दै लुम्बिनी अलस्टार्स नेपाल टी–२० लिगको क्वालिफायर्समा पुगेको छ ।
प्रतियोगितामा आठौं खेल जित्ने क्रममा बुधबार लुम्बिनीले काठमाडौंलाई १०२ रनले हराएको हो । यो नजिता जारी प्रतियोगिताको सबैभन्दा फराकिलो अन्तरको नतिजा हो ।
लुम्बिनी अलस्टार्स ९ खेलमा ८ जित सहित १६ अंकसहित शीर्ष स्थानमा रहेको छ । यस जितसँगै लुम्बिनीले शीर्ष २ मा रहँदै क्वालिफायर्स खेल्ने पक्का भएको हो ।
लुम्बिनीले दिएको १८४ रनको लक्ष्य पछ्याएको काठमाडौं १५.४ ओभरमा ८१ रनमा अलआउट भयो ।
त्यसअघि, त्रिवि क्रिकेट मैदानमा टस जितेर ब्याटिङ रोजेको लुम्बिनीले निर्धारित १७ ओभरमा ६ विकेट गुमाउँदै १८३ रन बनाएको थियो ।
प्रकाशित मिति: बुधबार, पुस २०, २०७९ १२:३९
प्रतिक्रिया दिनुहोस्
