काठमाडाैँ - बलिउड अभिनेत्री दीपिका पादुकोण आज आफ्नो ३७ औं जन्मदिन मनाइरहेकी छिन् । ३६६ करोडको कुल सम्पत्ति भएको दीपिका पादुकोणले १५ वर्षको अभिनय करियरमा करिब ३७ चलचित्र गरिसकेकी छिन् । दीपिकाले ९ वर्षको उमेरमा मोडलिङ करियर सुरु गरेकी थिइन् । १० कक्षापछि दीपिकाले ब्याडमिन्टन छोडेर मोडलिङ गर्न थालिन् । त्यसपछि दीपिकाले विज्ञापन फिल्मको हिस्सा बनिन् । कलेजको समयमा दीपिकासँग मोडलिङको काम यति धेरै थियो कि उनले समाजशास्त्र छोडिन्। २००५ मा, दीपिकाले ल्याक्मे फेसन वीकमा भाग लिइन् र मोडेल अफ द इयरको अवार्ड जितिन्। किङ्फिसर क्यालेन्डरमा स्थान पाएपछि दीपिका मोडलिङ संसारमा निकै चर्चित भइन् ।
दीपिका २१ वर्षको उमेरमा बैंगलोरबाट मुम्बई सरिन् । त्यही क्रममा उनले हिमेश रेशमियाको म्युजिक एल्बम नाम हे तेरामा स्थान पाइन्। दीपिकाले सन् २००६ मा कन्नड फिल्म ऐश्वर्याबाट आफ्नो अभिनयको सुरुवात गरेकी थिइन् । यसै क्रममा फराह खान आफ्नो अर्को फिल्मका लागि नयाँ अनुहारको खोजीमा थिइन् ।बन्दल त्यतिबेला दीपिकाको मोडलिङ मेन्टर थिए, त्यसैले उनले मलाइकालाई दीपिकाको नाम सुझाव दिए।
जब कुरा फराहसम्म पुग्यो, दीपिकाको कामबाट प्रभावित भएर उनले दीपिकालाई फिल्ममा कास्ट गराइन् । यसअघि दीपिकालाई ह्याप्पी न्यू इयरको लागि कास्ट गरिएको थियो, तर जब यो फिल्म स्थगित भयो, फराहले दीपिकालाई लिएर ओम शान्ति ओम बनाइन् र सर्वश्रेष्ठ महिला डेब्यूको लागि फिल्मफेयर अवार्ड जितिन्। दीपिकाले सन् २००७ को ओम शान्ति ओम यता ३७ फिल्ममा अभिनय गरिसकेकी छिन्, जसका लागि उनले ५२ वटा अवार्ड पाएकी छिन् । अन्तर्राष्ट्रिय सञ्चारमाध्यमकाे सहयाेगमा
