काठमाडौँ– नेपाल टि–२० पुरुष राष्ट्रिय क्रिकेट खेलमा सट्टाबाजी खेलाउने एक जनालाई प्रहरीले पक्राउ गरेको छ ।
कीर्तिपुर क्रिकेट खेल मैदानमा जारी नेपाल टि–२० पुरुष राष्ट्रिय क्रिकेट खेलमा अनलाईन बेटिङमार्फत सट्टाबाजी खेलाउने कार्यमा संलग्न रहेको अभियोगमा भारत दिल्ली उत्तमनगर घर भई हाल काठमाडौं गौशाला बस्ने ३६ वर्षीय भारतीय नागरिक प्रतिक कुमारलाई बुधबार दिउँसो प्रहरीले पक्राउ गरेको हो ।
पुरुष राष्ट्रिय क्रिकेट खेल अन्तर्गत फार वेष्ट युनाइटेड र विराटनगर सुपर किंग्स् बिच भएको खेलमा मोबाइल फोनको प्रयोग गरी हार जितको लागि अनलाईन बेटिङ भइरहेको भन्ने सूचनाको आधारमा प्रहरी वृत्त कीर्तिपुरबाट खटिएको प्रहरीले कुमारलाई पक्राउ गरेको प्रहरीले जनाएको छ ।
यस सम्बन्धमा थप अनुसन्धान भैरहेको प्रहरीले जनाएको छ ।
प्रकाशित मिति: बिहीबार, पुस २१, २०७९ १९:५६
प्रतिक्रिया दिनुहोस्
