काठमाडौँ– आर्थिक मन्दी भएपछि एलोन मस्कले कर्मचारी घटाएका छन् । ट्वीटरबाट घटाएका कर्मचारीलाई पैसा पनि नदिएको अन्तराष्ट्रिय सञ्चारमाध्यामले जनाएका छन् । 

एलोन मस्क ट्विटरको नयाँ मालिक बनेदेखि नै धेरै समाचारमा छन्। कम्पनीबाट बर्खास्त गरिएका कर्मचारीलाई तीन महिनाको तलब दिने निर्णय भए पनि  तलब नपाएको कर्मचारीको गुनासो छ । अन्तराष्ट्रिय सञ्चारमाध्यामले जनाए अनुसार ट्वीटरका पूर्व सिईओ पराग अग्रवालले पनि पैसा पाएका छैनन् । 

उनले ट्वीटर ४४ बिलियन डलरमा किनेका थिए । मालिक बनेपछि उनले कम्पनीमा धेरै फेरबदल पनि गरे । यसमा लागत कटौतीको सूत्र पनि अपनाएको थियो, जसका कारण कम्पनीले खर्च बचत गर्न खोजेको थियो ।

ट्विटरले आफ्ना कर्मचारीहरूलाई कार्यालयमा आफ्नै ट्वाइलेट पेपर ल्याउन बाध्य पारेको अन्तराष्ट्रिय सञ्चार माध्यामले जनाएका छन्। एलोन मस्कले आफ्नो सानफ्रान्सिस्कोको अफिसमा रहेका कम्पनीका पहरेदारलाईसमेत बर्खास्त गरेका छन् । यी सबै कुराहरू एलोन मस्कले लागत नियन्त्रणको गरेका हुन् ।