काठमाडौँ –पहिलो क्वालिफायरमा जनकपुर रोयल्सलाई ६ रनले पराजित गर्दै लुम्बिनी अल स्टारले नेपाल टी–२० लिगको फाइनलमा स्थान बनाएको छ ।
कीर्तिपुरस्थित त्रिवि क्रिकेट मैदानमा आइतबार लुम्बिनीले प्रस्तुत गरेको १४४ रनको लक्ष्य पछ्याएको जनकपुरले निर्धारित २० ओभरमा सात विकेट गुमाएर १३७ रनमात्र बनाउन सक्यो ।
यसअघि टस हारेपछि व्याटिङमा निम्त्याईएको लुम्बिनीले निर्धारित २० ओभरमा आठ विकेट गुमाएर १४३ रनको योगफल खडा गरेको थियो ।
लुम्बिनीले अब उपाधिका लागि दोस्रो क्वालिफायरमा जित निकाल्ने टिमसँग खेल्नेछ । जनकपुर भने अब इलिमिनेटरमा जित निकाल्ने टिमसँग दोस्रो क्वालिफायर खेल्नेछ । इलिमिनेटरमा सोमबार विराटनगर सुपर किङ्स र काठमाडौं नाईट्स भिड्दै छन् ।
लुम्बिनी शीर्ष स्थानमा र जनकपुर दोस्रो स्थानमा रहदै प्लेअफमा आएका थिए ।
प्रकाशित मिति: आइतबार, पुस २४, २०७९ १६:२४
प्रतिक्रिया दिनुहोस्
