काठमाडौँ– प्रधानमन्त्री पुष्पकमल दाहाल ‘प्रचण्ड’ नेपाली कांग्रेसका सभापति शेरबहादुर देउवालाई भेट्न धुम्बाराही पुगेका छन् ।
प्रधानमन्त्री ‘प्रचण्ड’ देउवासँग प्रतिनिधिसभामा विश्वासको मत दिनेबारे छलफल गर्न आजै साँझ धुम्बाराही पुगेका हुन् । देउवाका प्रेस संयोजक गोविन्द परियारका अनुसार ‘प्रचण्ड’ले देउवासँग विश्वासको मत दिन आग्रह गरेका छन् ।
सोमबार साँझ नै देउवाले प्रधानमन्त्रीलाई विश्वासको मत दिने वा नदिनेबारे पार्टीका शीर्ष नेताहरुसँग छलफल गरेका थिए । उनले संघीय संसद नयाँ बानेश्वरमा पत्रकारहरुसँगको कुराकानीमा आफूलाई सिंगै संसदले विश्वासको मत दिने आशा गरेको प्रतिक्रिया दिएका थिए ।
कांग्रेसले प्रधानमन्त्रीलाई विश्वासको मत दिने वा नदिनेबारे छलफल गर्न मंगलबार विहान संसदीय दलको बैठक बोलाएको छ ।
प्रकाशित मिति: सोमबार, पुस २५, २०७९ १९:२५
प्रतिक्रिया दिनुहोस्
