काठमाडाैँ – हाल रक्सी पिउनु एक दैनिकी झै भएकाे छ । धेरै संख्यामा मानिसहरू सधैँ मादक पदार्थ सेवन गरिरहेका हुन्छन्।
रक्सीको नशा कति हदसम्म समस्याको कारण बन्न सक्छ भन्ने थाहा पाउँदा मानिसहरु पनि अचम्ममा पर्छन् । के तपाईलाई थाहा छ रक्सी पिउनाले हाम्रो दिमागमा सीधै असर गर्छ । लामो समयसम्म मदिरा सेवन गर्दा मस्तिष्कमा क्षति पुग्न सक्छ ।
अत्याधिक मदिरा सेवनले मस्तिष्कमा क्षति पुर्याउन सक्छ । यसका कारण कतिपयले डिमेन्सिया जस्ता खतरनाक रोगको सामना पनि गर्नुपर्ने हुनसक्छ । अल्कोहलको अल्पकालीन प्रभावको बारेमा कुरा गर्दा, शरीर भित्र पुगेपछि, यसको प्रभाव तुरुन्तै मस्तिष्कमा जान्छ र मस्तिष्कको रसायन परिवर्तन गर्दछ।
जसका कारण हाम्रो मस्तिष्कमा परिवर्तन हुन्छ र न्युरोन्सको गतिविधिलाई दबाइन्छ । जसका कारण बोल्न, हिँडडुल गर्न र कुरा सम्झन धेरै समस्या हुने गर्दछ । धेरै रक्सी पिएपछि कतिपय मानिस बेहोस पनि हुन्छन् । मस्तिष्कको रसायन परिवर्तनले मानिसहरूको मूड स्विंगहरू छिटो हुन्छ। कहिले उनिहरु उत्तेजित हुन्छन् त कहिले डिप्रेसनको अनुभव गर्छन् । कहिलेकाहीँ आक्रामक पनि बन्छन्।
लामो समयसम्म मदिराको अत्याधिक सेवनले मस्तिष्कको न्यूरोट्रान्समिटर गतिविधिमा परिवर्तन ल्याउँछ र मस्तिष्कको संरचना पनि असामान्य हुन थाल्छ । अत्याधिक मदिरा सेवनले मस्तिष्कमा रक्तसञ्चार बिग्रन्छ र मस्तिष्क संकुचित हुन थाल्छ । यसले स्ट्रोक र डिमेन्सियाको जोखिम बढाउँछ। मस्तिष्कमा उचित पोषक तत्वको कमीका कारण यो क्षति सुरु हुन्छ। यति मात्र होइन, मदिरा सेवनका कारण धेरै मानसिक स्वास्थ्य समस्याहरू सुरु हुन्छन्, जसमा साइकोसिस पनि हुन्छ। जसका कारण मानिसको मुड र व्यक्तित्वमा पनि परिवर्तन हुन्छ । सरल भाषामा भन्नुपर्दा रक्सीले दिमागलाई कमजोर बनाउँछ।
विज्ञहरूका अनुसार मदिरा सेवनले मस्तिष्कका कोशिकाहरूलाई मार्दैन। यो अफवाह हो। यद्यपि, मदिराले मस्तिष्कलाई विभिन्न तरिकाले हानि पुर्याउँछ र धेरै गम्भीर रोग र चोटपटकको जोखिम बढाउँछ। मस्तिष्क बाहेक, रक्सीले तपाईंको कलेजो सहित धेरै अंगहरूलाई क्षति पुर्याउँछ। त्यसैले यसको कमसेकम सेवन गर्नुपर्छ । रक्सी पिउने बानी छैन भने यसबाट पूर्ण दुरी कायम राख्दा मात्र फाइदा हुन्छ ।
