काठमाडौँ–पाकिस्तानले पाहुना टिम न्युजिल्यान्डलाई पहिलो एकदिवसीयमा ६ विकेटले पराजित गरेको छ ।
यो जितसँगै पाकिस्तान तीन खेलको एकदिवसीय सिरिजमा १–० को अग्रता बनाएको छ ।
कराँचीको नेशनल रंगशालामा सोमबार राति भएको खेलमा न्युजिल्यान्डले प्रस्तुत गरेको २५६ रनको लक्ष्य पाकिस्तानले ११ बल बाँकी छ्दै ४ विकेट गुमाएर पूरा गरेको हो ।
घरेलु टोलीको जितमा कप्तान बाबर अजाम, मोहम्मद रिजवान र फकर जमानले अर्धशतक बनाए । रिजवान ८६ बलमा ६ चौका र एक छ्क्कासहित ७७ रनमा अविजित रहँदा बाबरले ८२ बलमा ६६ रन बनाए ।
यस्तै, ओपनर जमानले ७४ बलमा ५६ रन बनाए । यसबाहेक हरिस सोहिल ३२, आगा सलमानले १३ र इमाम उल हकले ११ रन बनाए ।
प्रकाशित मिति: मंगलबार, पुस २६, २०७९ ११:५०
प्रतिक्रिया दिनुहोस्
