काठमाडौँ–बलिउड अभिनेता शाहरुख खानका छोरा आर्यन खान यतिबेला प्रेम जीवनले चर्चामा छन् । हालै उनले मोडल तथा डान्सर नोरा फतेहीलाई डेट गरिरहेको खबर आएको थियो । तर यी सबैको बीचमा अहिले उनी पाकिस्तानी अभिनेत्री सादिया खानसँग डेट गरिरहेको जनाइएको छ ।
सादिया खानले दुबईमा मनाएको नयाँ वर्षको पार्टीबाट आर्यन खानसँगको तस्बिर बाहिर आएको छ । सादिया र आर्यनको संगै तस्बिर सार्वजनिक भएसँगै अहिले उनीहरु चर्चामा छन् ।
कतिले सादियालाई आर्यन खानकी प्रेमिकासमेत भनेका छन् ।
सादिया खान पाकिस्तानी सिनेमाकी चर्चित नायिका हुन् । सादिया थुप्रै टिभी सिरियलमा देखिइसकेकी छिन् । सादियाले आफ्नो शो खुदा और मोहब्बत, शायद, यारियां, मरियम पेरियाराबाट चर्चा बटुलिसकेकी छिन् ।
सादिया खान वास्तविक जीवनमा सुपर ग्ल्यामरस र स्टनिङ छिन् । सादिया सोसल मिडियामा निकै सक्रिय छिन् । इन्स्टाग्राममा उनका १.८ मिलियन फलोअर्स छन् । उनी धेरैजसो आफ्नो ग्ल्यामरस तस्बिर सेयर गरिरहन्छिन् ।
