काठमाडौँ–दक्षिण भारतीय निर्देशक एसएस राजामौलीको फिल्म ‘आरआरआर’ को ‘नातु नातु’ बोलको गीतले गोल्डेन ग्लोब अवार्ड जितेको छ ।
अमेरिकाको क्यालिफोर्नियामा भएको ८० औं गोल्डेन ग्लोब अवार्डमा जुनियर एनटीआर र रामचरण फिचर्ड गीतले अवार्ड हात पारेको हो । यस अवार्डलाई दक्षिण सुपरस्टार चिरञ्जीवीले एक ठूलो ऐतिहासिक उपलब्धि रहेको बताएका छन् ।
यो तेलुगु गीत एमएम किरावानीले कम्पोज गरेका हुन् भने यसको शब्द चन्द्रबोसले लेखेका हुन् ।
गीतमा राहुल सिपलीगञ्ज र काल भैरवले स्वर दिएका छन् ।
यसपटकको अवार्ड समारोह ‘आरआरआर’ दुई विधामा मनोनयनमा परेको थियो । आरआरआर उत्कृष्ट गैर अंग्रेजी चलचित्र विधामा पनि मनोनित भएको थियो ।
प्रकाशित मिति: बुधबार, पुस २७, २०७९ १०:५५
प्रतिक्रिया दिनुहोस्
