काठमाडौँ– नेपाली राष्ट्रिय क्रिकेट टोलीका पूर्वकप्तान सन्दीप लामिछाने शुक्रबार मात्र थुनामुक्त हुने भएका छन् । उच्च अदालत पाटनले लामिछानेलाई २० लाख धरौटीमा रिहा हुन आदेश दिएसँगै उनी भोलि थुनामुक्त हुने भएका हुन् ।
धरौटी रकम आज तिर्न ढिलाई भएपछि उनी भोलिमात्र छुट्ने भएको अदालतले जनाएको छ । उनीमाथि नाबालिगलाई बलात्कार गरेको आरोप थियो।
जिल्ला अदालत काठमाडौंले उनलाई थुनामै राखेर बलात्कार सम्बन्धी मुद्दामा कारबाही अघि बढाउने भन्दै गरेको आदेश विरूद्ध सन्दिपले उच्च अदालत पाटनमा निवेदन दिएका थिए। सोही निवेदनमा न्यायाधीश ध्रुवराज नन्द र रमेश ढकालको संयुक्त इजलासले लामिछानेलाई धरौटीमामै छाड्न आदेश दिएको हो।
इजलाशले उनलाई २० लाख धरौटीमा छाड्न आदेश दिएको हो। सन्दीप नाबालिग बलात्कारको मुद्दामा पुर्पक्ष थुनामा छन्। काठमाडौं जिल्ला अदालतले पुर्पक्ष थुनामा पठाउन दिएको आदेशविरुद्ध सन्दीप उच्च अदालत पुगेका हुन्।
उनलाइ विदेश जान रोक लगाइएको अदालतले जनाएको छ । गत कात्तिक १८ गते काठमाडौं जिल्ला अदालतमा दुवै पक्षको बहसपछि सन्दीपलाई थुनामा पठाउन आदेश दिइएको थियो।
