धरान–दुई वर्ष रोकिएको बुढासुब्बा गोल्डकप यो वर्ष आयोजना गरिने भएको छ ।
धरान फुटबल क्लबले मंगलबार एक विज्ञप्ती जारी गर्दै फागुन १३ गतेदेखि २० गतेसम्म २३ औं संस्करण सञ्चालन गर्ने जानकारी दिएको हो । धरान –१६ स्थित रंगशालामा हुने प्रतियोगितालाई सम्पन्न गर्न आर्थिक उपसमिति, प्रचारप्रसार उपसमिति, मैदान व्यवस्थापन उपसमिति र आयोजक टिम तयारी उपसमिति गठन भइसकेको पनि क्लबले जनाएको छ ।
२०५५ सालदेखि शुरु भएको बुढासुब्बा गोल्डकप मोफसलको चर्चित फुटबल प्रतियोगितामा पर्छ । वर्षेनी आयोजना भइरहेको यो गोल्डकप २०७७ र २०७८ सालमा कोरोना महामारी र आर्थिक संकटले आयोजना हुन सकेन ।
प्रतियोगितामा काठमाडौँका ए डिभिजन क्लबहरू, भारत र मोफसलका उत्कृष्ट क्लबहरूसँग सम्पर्क भइरहेको छ ।
प्रकाशित मिति: मंगलबार, माघ ३, २०७९ १७:५५
प्रतिक्रिया दिनुहोस्
