काठमाडौँ –सुनचाँदी बजारमा बुधबार छापावाल सुनको मूल्य मङ्गलबारको तुलनामा प्रतितोला छ सय रुपैयाले घटेको छ । मङ्लबार प्रतितोला १ लाख ५ हजार १०० मा कारोबार भएको सुनको मूल्य बुधबार १ लाख ४ हजार ५०० तोकिएको छ ।
नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको मूल्य प्रतितोला १ लाख ४ हजार रुपैया छ । यसको मूल्य अघिल्लो दिन १ लाख ४ हजार ६०० रुपैया थियो ।
त्यस्तै बुधबार चाँदीको मूल्य अघिल्लो कारोबार मूल्यका तुलनामा प्रतितोला १५ रुपैयाले घटेर १ हजार ३७५ तोकिएको महासङ्घले जनाएको छ । महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ ।
प्रकाशित मिति: बुधबार, माघ ४, २०७९ १३:४२
प्रतिक्रिया दिनुहोस्
