काठमाडौँ –लुम्बिनी प्रदेशलाई १६ रनले पराजित गर्दै मधेस प्रदेश प्रधानमन्त्री कप महिला टी–२० राष्ट्रिय क्रिकेट प्रतियोगिताको सेमिफाइनलमा प्रवेश गरेको छ ।
सुनसरीको इटहरीस्थित जनता क्रिकेट पार्कमा बुधबार भएको खेलमा मधेसले प्रस्तुत गरेको १०८ रनको लक्ष्य पछ्याउने क्रममा लुम्बिनीले निर्धारित २० ओभरमा पाँच विकेट गुमाएर ९१ रनमात्र जोड्न सक्यो ।
यसअघि टस हारेपछि ब्याटिङमा आएका मधेसले निर्धारित २० ओभरमा पाँच विकेट गुमाएर १०७ रनको योगफल खडा गरेको थियो ।
जितसँगै तीन खेलबाट चार अंक जोडेको मधेसले समूह ‘बी’ को उपविजेताको रुपमा सेमिफाइनलमा स्थान बनाएको हो ।
यो समूहबाट प्रदेश–१ ले विजेताको रुपमा सेमिफाइनलमा स्थान पक्का गरेको थियो । मधेसले अब फाइनल प्रवेशका लागि समूह ‘ए’ को विजेता सुदूरपश्चिम प्रदेशविरुद्ध प्रतिस्पर्धा गर्नेछ ।
प्रकाशित मिति: बुधबार, माघ ४, २०७९ १३:४९
प्रतिक्रिया दिनुहोस्
