काठमाडौँ – रोनाल्डो र मेस्सी अनुबन्धित क्लबहरुको मैत्रीपूर्ण फुटबलमा मेस्सी अनुबन्धित पेरिस सेन्ट जर्मेइन (पीएसजी)ले रोनाल्डो अनुबन्धित साउदी क्लब रियाद अल स्टार–११ लाई हराएको छ ।
गए राति रियादको किङ फाहद रङ्गशालामा भएको खेलमा पीएसजी ५–४ गोलले विजयी भएको हो । पीएसजी खेलको ३९ औँ मिनेटमा नै १० खेलाडीमा समेटिएको थियो । उसका लिओनल मेस्सी, किलियन एमबाप्पे, मार्किन्हस, सर्जियो रामोस र ह्युगो एकिटिकेले एक÷एक गोल गरे । नेयमार पेनाल्टीमा गोल गर्न चुके ।
रियादका लागि कप्तान क्रिस्टियानो रोनाल्डोले दुई तथा एन्डरसन तालिस्का र जाङ ह्युन सुले एक÷एक गोल गरे ।
प्रकाशित मिति: शुक्रबार, माघ ६, २०७९ ०७:३४
प्रतिक्रिया दिनुहोस्
