काठमाडौँ– उपप्रधान तथा गृहमन्त्री रवि लामिछानेले भोट माग्दा गरेका वाचाहरुको हेक्का रहेको भन्दै मिडियाको हेडलाइन भन्दा जनताको लाइफलाइन बदल्न मेहनत गरेको बताएका छन् ।

शनिबार गृहमन्त्री लामिछाने सामाजिक सञ्जालमा पोष्ट गर्दै यस्तो बताएका हुन् । उनले यसअघि बोलेका शब्द–शब्दको हेक्का रहेको बताउँदै भोट माग्दा गरेका वाचाहरुको समेत हेक्का रहेको बताएका हुन् ।

‘पुराना फरारहरु समातिन्छ्न मात्र होइन धेरै नयाँहरु फरार हुन नपाउन् भन्ने कुराको हेक्का छ । हिजो बोलेका शब्द शब्दको हेक्का छ, भोट माग्दा गरेका वाचाहरुको हेक्का छ’, उनले अगाडी लेखेका छन्, ‘मिडियाको हेडलाईन म बदल्न सक्दिन तर जनताको लाइफलाईन बदल्न मेहनत गर्दैछु। धुलो धेरै छ, पुरानो छ थोरै पर्खिनु चाहिँ पर्छ ।’