काठमाडाैँ– म्याच फिक्सङमा संलग्न रहेकाे आराेपमा प्रहरीले २ जनालाई पक्राउ गरेकाे छ । नेपाल टी–२० लिगमा स्पट फिक्सङमा संलग्न रहेकाे आराेपमा मेहबुब आलम र आदिल अन्सारीलाई पक्राउ गरेकाे हाे ।
मेहबुब आलम पूर्वराष्ट्रिय क्रिकेटर हुन् भने अन्सारी राष्ट्रिय क्रिकेट टाेलीका सदस्य हुन् । आलम नेपाल राष्ट्रिय क्रिकेट टोलीका पूर्वअलराउन्डर हुन् ।
आलमले एकै खेलमा १० विकेट लिएको कीर्तिमान बनाएका छन् भने पक्राउ परेका अन्सारीले गत जेठमा मात्रै अमेरिकाविरुद्धको खेलबाट राष्ट्रिय टिममा डेब्यू गरेका थिए ।
उनीहरूले नेपाल क्रिकेट संघ (क्यान) को रणनीति साझेदार सेभेन थ्री स्पोर्टस्का मालिक जतिन अहुवालियाको योजना अनुसार स्पट फिक्सिङमा सहयोग गरेको प्रहरी प्रधान कार्यालयका एक उच्च अधिकारीले जानकारी दिए ।
प्रकाशित मिति: सोमबार, माघ ९, २०७९ १२:३८
प्रतिक्रिया दिनुहोस्
