प्रदेश १ संसद सचिवालयका अधिकृतको दुर्घटनामा मृत्यु
विराटनगर –कोसी लोकमार्गअन्तर्गत विराटनगर महानगरपालिका–३ स्थित ढाटमा बुधबार दुर्घटना हुँदा प्रदेश १ को संसद सचिवालयका अधिकृतको मृत्यु भएको छ ।
दुर्घटनामा संसद सचिवालयका अधिकृत सुनसरीको धरान उपमहानगरपालिका–८ घर भएका अन्दाजी ५५ वर्षीय प्रेमबहादुर श्रेष्ठको मृत्यु भएको प्रहरीले जनाएको छ । सरकारी मोटरसाइकल चलाएर धरानबाट विराटनगरस्थित संसद सचिवालयतर्फ आउने क्रममा श्रेष्ठ दुर्घटनामा परेका थिए ।
प्रदेश १–०४–००१ ब ०००७ नम्बरको मोटरसाइकल र उत्तरतर्फ जाँदै गरेको को ३८ प ५३८७ नम्बरको स्कुटर एकआपसमा ठक्कर खाँदा दुर्घटना भएको हो । दुर्घटनामा गम्भीर घाइते श्रेष्ठलाई बूढीगंगास्थित विराट शिक्षण अस्पतालमा भर्ना गरिएको थियो । उपचारकै क्रममा उनको मृत्यु भएको हो ।
दुर्घटनामा स्कुटर चालक बूढीगंगा गाउँपालिका–२ का ३५ वर्षीय रोशन विक र पछाडि सवार विराटनगर–४ का २५ वर्षीय विशाल प्रसाईं सामान्य घाइते भएका छन् । उनीहरुको विराटमै उपचार भइरहेको छ ।
विद्युतीय धरापमा परेर बालिकाको मृत्यु
भारतीय नागरिक ८ किलो गाँजासहित विमानस्थलबाट पक्राउ
केही स्थानमा मेघगर्जन र चट्याङ्गसहित हल्का वर्षाको सम्भावना
गर्मी र प्रदूषित हावाको संयोजन : मृत्युको जोखिम ६४ प्रतिशतसम्म बढ्यो
काठमाडौँको प्रदुषण मंगलबार बिहान पनि उच्च, अझै अति अस्वस्थ तहमा
रुपन्देहीमा पिकअप भ्यान दुर्घटना : २ जनाको मृत्यु, २२ जना घाइते, चालक प्रहरी नियन्त्रणमा
