नेभिगेशन
समाज विविध

भारतकाे गणतन्त्र दिवसकाे अवसरमा विविध कार्यक्रम

काठमाडौँ– भारतको ७४औँ गणतन्त्र दिवसका अवसरमा नेपालस्थित भारतीय राजदूतावासले विभिन्न कार्यक्रमको आयोजना गरेको छ ।

भारतीय राजदूतावास लैनचौरमा आयोजना गरिएको कार्यक्रममा नेपालका लागि भारतीय राजदूत नवीन श्रीवास्तवले भारतीय सेनामा कार्यरत मृतक नेपालीका  परिवारलाई ४ करोड ६० लाख नगद र कम्बल वितरण गरी सम्मान गरे ।

सो अवसरमा राजदूत श्रीवास्तवले नेपालका विभिन्न संस्थालाई पुस्तक वितरणसमेत गरे । दूतावासले विभिन्न २३ संस्थालाई १६ लाख बराबरको पुस्तक उपहास्वरुप वितरण गर्ने जनाएको छ ।

कार्यक्रममा भारतका राष्ट्रपति द्रौपदी मुर्मूले राष्ट्रका नाममा गरेको सम्बोधन पढेर सुनाइएको थियो ।

दूतावासले सेवा निवृत्त सैनिकलाई सहयोग गर्ने प्रतिबद्धता समेत जनाएको छ । 
 

प्रकाशित मिति:
प्रतिक्रिया दिनुहोस्
लोकप्रीय
थप समाज विविध