चुरे फेदका बस्तीमा डिप ट्युबवेल जडान
कञ्चनपुर– शुक्लाफाँटा नगरपालिका–८ का किसानका लागि सिँचाइ सुविधा उपलब्ध गराउन दुइटा डिप ट्युबवेलको योजना सञ्चालन गरिएको छन् ।
सुदूरपश्चिम प्रदेश सरकार मातहतको भूमिगत जलस्रोत तथा सिँचाइ विकास डिभिजन कार्यालय धनगढीले मणिधाम टोल र शान्ति टोल फुलेलीमा डिप ट्युबवेल गाड्ने कार्य सुरु गरेको छ । उपभोक्ता समिति गठन गरी योजना निर्माणका कार्य अगाडि बढाइएका छन् ।
वडाध्यक्ष बहादुरसिंह महराका अनुसार मणिकाधाममा र फुलेलीमा १÷१ करोडको लागतमा योजना निर्माणको काम भइरहेको छ । दुवै योजना निर्माणबाट ८०० परिवार लाभान्वित हुने उनले बताए ।
‘दुवै योजनाबाट १२० हेक्टर जग्गामा सिँचाइ सुविधा उपलब्ध हुने छ’, उनले भने, ‘चुरे फेदीका गाउँमा सिँचाइ सुविधा पुग्न थालेकाले कृषि उत्पादनमा वृद्धि हुने अपेक्षा गरेका छौँ । सिँचाइकै अभावमा कृषि उत्पादन निकै कम हुने गरेको थियो, ट्युबवेल जडान भएर किसानका खेतमा सिँचाइ सुविधा पुगेपछि उत्पादन वृद्धिसँगै किसानको आर्थिक अवस्थामा सुधार हुन्छ ।’
स्थानीय किसान वीरबहादुर चौधरीले डिप ट्यबुवेल जडानसँगै व्यावसायिक रूपमा तरकारी खेती गर्ने सपना साकार हुन लागेको बताए । उनले सिँचाइको अभावमा खेतबारीमा लगाइएको बालीको उत्पादन चाहेअनुसारको लिन नपाएको बताए ।
‘सिँचाइ सुविधा पुग्न थालेपछि निकै खुसी भएका छौँ’, उनले भने, ‘तरकारी खेती गर्ने सोच छ, त्यसका लागि आवश्यक तयारी गरेका छौँ, खेतमा पानी पुगेपछि व्यावसायिक भएर कार्य गर्छौं ।’
राजावादीको आन्दोलनमा भएको क्षतिमा बीमा दाबी ४ करोड ५९ लाख, भुक्तानी ३३ लाख रूपैयाँ
ईभी चार्जिङ स्टेसनलाई कुलमानले दिएको सुविधा हितेन्द्र देव शाक्यले रोके, कारण यस्तो छ
तातोपानी नाकालाई थप व्यवस्थित गर्न परराष्ट्रमन्त्री राणाको निर्देशन
सात दशकदेखि स्वाद चखाउँदै धनकुटे नरिवल बिस्कुट
ऐतिहासिक उचाईमा पुगेको सुनको मूल्य घट्यो
छ महिनापछि हेटौँडा सिमेन्ट उद्योग सञ्चालनमा
सगरमाथामा नयाँ कीर्तिमान बनाउने प्रतिस्पर्धा
