रविको नागरिकताबारे अदालतको फैसलापछि एनआरएनएका सचिव घिमिरेको प्रतिक्रिया– एक पटकको नेपाली सधैंको नेपाली

काठमाडौँ–नागरिकताको काण्डमा उपप्रधान तथा गृहमन्त्री रवि लामिछाने पदमुक्त भएपछि गैरआवासीय नेपाली संघका सचिव चिरञ्जीवी घिमिरेले एकपटकको नेपाली सधैंको नेपाली भन्दै प्रतिक्रिया दिएका छन् ।

सचिव घिमिरेले लामिछानेको नागरिकताको मुद्दामा सर्वोच्च अदालतले प्रक्रिया नपुर्‍याएको भन्दै रजिलाई नागरिकताविहीन बनाएको बुझिएको टिप्पणी गरेका छन् । रविप्रति आफूहरूको सहानुभूति रहेको अदालतको निर्णयबाट विश्वभर रहेका गैरआवासीय नेपालीहरू निराश भएको उनको भनाइ छ ।

रविबारे सचिव घिमिरेको प्रतिक्रिया जस्ताको तस्तै

विद्यमान नागरिकता ऐनअनुसार रविले प्रक्रिया पालना नगरेको देखिएको भन्ने अदालतको आदेशका कारण रविका सम्पूर्ण उपल्ब्धिहरू समाप्त हुन्छन कि भन्ने त्रास उत्पन्न भएको छ । अर्कोतिर विदेशमा गएर सिकेको सीप तथा ज्ञान नेपालमा भित्रयाउने विषयमा शंका पनि उत्पन्न गराएको छ । रविले विदेशको नागरिकता त्याग गरि सकेको हुनाले गैरआवासीय नेपाली संघले सस्थागत रूपमा आधिकारिक धारणा बनाउन भने मिल्दैन । 

विगतमा हामीले गैरआवासीय नागरिकताको महत्व, आवश्यकता र दूरगामी प्रभावको विषयमा धेरै ओझिला कार्यक्रमहरू  गरेका हौँ र गैरआवसीय नागरिकताको औचित्य, महत्व र आवश्यकतालाई स्पष्ट पारि संसदमा विधेयक बनाउन सफल भएा छौँ । गैरआवासीय नागरिकतालाई अन्य नागरिकताका विषय र मुद्दाहरूबाट अलग गरेर छुट्टै विधेयक बनाएर यथासक्दो छिटो नेपाल सरकारबाट पास गरी लागू गर्नुको विकल्प छैन् । हाम्रो एकमात्रै लक्ष्य एक पटकको नेपाली सधैको नेपाली नै हो । यो लक्ष्य सहज प्राप्त नहुने देखेर हामी गैरआवासीय नागरिकता भए पनि कमसे कम टेक्ने र समात्ने ठाउँ हुन्छ भनी सम्झौता गरेका थियौँ तर,  नागरिकता विधेयक नै पास हुन सकेन् । गैरआवासीय नेपाली नागरिकता प्राप्ति पछि सम्पूर्ण काम, सेवा, सुविधा तथा कानुनी प्रक्रियाहरूमा पूर्ण सहज रहने छ । 

गैर आवासीय नागरिकताको प्रयास अझै सशक्त रूपमा अगाढि बढछ । आजको दिनदेखि मलाई वा हामीलाई गैरआवासीय संघ चाहिदैन भन्ने एनआरएनहरूलाई अझै यो संस्थाको महत्व र गरिमा महसुस हुनेछ । नेपाल जाने एनआरएनहरूले आफ्नो देशमा रहेको नेपाली दूतावास वा सम्बन्धित निकायमा सम्पर्क गरी एनआरएन आईडी कार्ड लिएर मात्रै नेपालमा किनबेच, लगानी जस्ता कामहरू गर्नुहुन विशेष अनुरोध छ । सामान्य भेटघाटमा भिसा मात्रै भएपनि हुन्छ । एनआरएन आईडी कार्ड दस वर्षसम्म मान्य हुन्छ भने नेपालमा जति समय बसे पनि भिसा लगाई रहनु पर्ने झन्झट रहदैन । एनआरएन आईडी कार्ड भने नागारिकता वा सो सरह भन्ने बुझ्नु हुँदैन। । यो गैरआवासीय नेपाली परिचय पत्र मात्रै हो । नेपाल सरकारले प्रवासी नेपालीहरूलाई आवागमन सहज होस, नेपालमा विदेशी लगानी भित्रियोस् , सेवा सुबिधा लिन सहज होस र कानुनी प्रकिया सहज होसे भनेर गैरआवासीय नेपालभित्र एनआरएन आईडी कार्डको स्पष्ट ब्यवस्था गरेको छ । अहिलेको लागि यो परिचय पत्रको  विकल्प छैन् । 

हाम्रो माग र यात्रा जारी छ, । विवाद रहित गैर आवासीय नेपाली नागरिकता छुट्टै विधेयक ल्याएर भए पनि यथासक्दो छिटो लागू हुनुपर्छ । यस विषयमा नेपाल सरकार भने सकारात्मक छ ।