काठमाडौँ –नागरिकता विवादमा उपप्रधान र गृहमन्त्रीबाट पदमुक्त भएका रवि लामिछाने पूर्वमन्त्रीको सूचीमा परेका छैनन् ।
गृहमन्त्रालयको वेवसाइटमा पूर्व गृहमन्त्रीहरूको सूचीमा लामिछानेको नाम छैन ।
शुक्रबार सर्वोच्च अदालतको संवैधानिक इजलासले नागरिता पुनः प्राप्ति गर्न आदेश दिएसँगै लामिछाने बर्खास्त भएका थिए ।
त्यस लगत्तै गृह मन्त्रालयलले आफ्नो वेवसाइटलाई अपडेट गर्दै लामिछानेको नाम गृहमन्त्रीको सूचीबाट हटाएको हो । तर उनको नाम पूर्वमन्त्रीको सूचीमा राखिएको छैन् । पूर्व गृहमन्त्रीमा २०४७ साल यता गृहमन्त्री भएका २० जनाको नाम रहे पनि लामिछानेको नाम भने छैन ।
राष्ट्रिय स्वतन्त्र पार्टीबाट चितवन–२ बाट निर्वाचित लामिछाने गत पुस ११ गते उपप्रधान एवं गृहमन्त्री भएका थिए । उनी मन्त्रीको रूपमा मात्र ३२ दिनसम्म रहे ।
प्रकाशित मिति: शनिबार, माघ १४, २०७९ १२:२४
प्रतिक्रिया दिनुहोस्
