गैँडाकोट नगरपालिकाले ५ वटा ऐन ल्याउँदै
नवलपुर –नवलपरासी (बर्दघाट–सुस्तापूर्व)को गैँडाकोट नगरपालिकाले हिउँदे नगरसभामार्फत विभिन्न ५ वटा ऐन ल्याउने तयारी गरेको छ ।
१७ माघदेखि सुरु हुने चालु आर्थिक वर्ष २०७९÷८० को हिउँदे नगरसभामा नगरप्रमुख मदनभक्त अधिकारीले ५ वटा ऐन पेश गर्ने छन् । मङ्गलबार बस्ने १२औँ नगरसभामामा ऐनसहित अर्धवार्षिक समीक्षा र विविध कार्यसूची पेस गर्ने कार्यक्रम तयार भएको प्रमुख प्रशासकीय अधिकृत मुक्तिराम रिजालले जानकारी दिए ।
नगरसभामा नगरप्रमुख अधिकारीले गैँडाकोट नगरपालिकाको नगर खेलकुद विकास ऐन २०७९, नगर प्रहरी ऐन २०७९, सहकारी ऐन २०७९, नगर प्रज्ञा प्रतिष्ठान ऐन २०७९ तथा जलस्रोत विकास ऐन २०७९ पेश गर्ने कार्यसूची रहेको रिजालले बताए । सभाको बैठक बस्ने मिति, समय, स्थान र बैठकको कार्यसूचीसहितको सूचना बैठक बस्ने दिनभन्दा कम्तीमा ७ दिनअगावै अध्यक्ष वा प्रमुखको निर्देशनमा प्रमुख प्रशासकीय अधिकृतले सभाका सबै सदस्यलाई पठाउनुपर्ने प्रावधानअनुरुप सदस्यलाई जानकारी गराइएको रिजालले बताए ।
६ माघमा बसेको नगर कार्यपालिका बैठकले १२औँ नगरसभाको मिति १७ माघका का लागि तय गरेको थियो । नगरसभामा प्रस्तुत गरिएको ५ वटै ऐन नगरसभाबाट पास हुने नगरप्रमुख मदनभक्त अधिकारीले बताए । ‘हामीले नगरपालिकामा आवश्यक पर्ने ऐन व्यापक छलफलपछि तयार गरेर नगरसभामा ल्याउन लागेका छौँ’, नगरप्रमुख अधिकारीले भने, ‘नगरपालिका सञ्चालनका लागि आवश्यक ऐन भएका कारण नगरसभामा प्रस्तुत हुने ऐन पास हुने हामीलाई विश्वास छ ।’
1676855634.png)
उच्च पहाडी तथा हिमाली भूभागमा हिमपातको सम्भावना
काठमाडौंको प्रदूषित हावा आजदेखि कम हुँदै जाने
गौतमबुद्ध अन्तर्राष्ट्रिय विमानस्थल फेरि सुनसान
उपत्यकामा प्रदूषण बढेकाले अनावश्यक यात्रा नगर्न स्वास्थ्य मन्त्रालयको अनुरोध
रवीन्द्र मिश्र र दुर्गा प्रसाईंको अभिव्यक्तिपछि भिडले आगजनी थाल्यो : प्रहरी
आन्दोलनरत शिक्षकहरुलाई धन्यवाद दिँदै बालेनले भने- जरिवाना खोजेको होइनौँ, चेतना खोजेको हो
तीनकुने प्रदर्शनमा ज्यान गुमाएकाको परिवारलाई १० लाख दिने सरकारको निर्णय
