काठमाडौँ –प्रधानमन्त्री पुष्पकमल दाहाल ‘प्रचण्ड’लाई भेट्न नेकपा एमालेका अध्यक्ष केपी शर्मा ओली प्रधानमन्त्री निवास बालुवाटर पुगेका छन् ।

प्रधानमन्त्री प्रचण्ड र एमाले अध्यक्ष ओलीबीच अहिले छलफल चलिरहेको छ । समसामयिक विषयमा छलफल भइरहेको बालुवाटार स्रोतले जानकारी दिएको छ ।

गृहमन्त्री तथा राष्ट्रिय स्वतन्त्र पार्टीका सभापति रवि लामिछानेमाथि नागरिकताको विषयमा सर्वोच्चले गरेको फैसला र त्यसलगत्तै लामिछानेले आफ्नो पुरानो नागरिकता कायम गरेको अहिलेको अवस्थामा एमाले अध्यक्ष ओली र प्रधानमन्त्रीबीच भेटघाट हुनुलाई अर्थपूर्ण रुपमा हेरिएको छ ।