काठमाडौँ– चलचित्र छक्का पन्जा–४ को पहिलो गीत सार्वजनिक भएको छ।  

गीतसंगीतको मामालामा चर्चामा रहेको चलचित्र ‘छक्का पन्जा–४ ’को पहिलो गीत ‘दर्शन सलाम’ सोमबार सार्वजनिक भएको हो ।

आमा सरस्वति मुभिज र आइएमई प्रिजेन्टको ब्यानरमा निर्माण भएको चलचित्रको पहिलो गीत निकै उत्कृस्ट बनेको छ ।  

गीतमा नायिका स्वस्तिमा खड्कासंगै राज आचार्यको आकर्षक प्रस्तुति रहेको छ। साथै,  दिपक राज गिरिको पोस्टर सहितका ब्यानरहरु सजाएको स्थानमा कुनै पार्टीको निम्ति भोट माग्न तयार गरेको दृष्य देखाइएकाे छ । गीतको भिडियोमा दिपक–दिपा, निर्मल शर्मा लगायतका कलाकारको मुख्य भूमिका छ ।

कविराज गहतराजको कोरियोग्राफीमा तयार भएको यो भिडियोलाई हेमराज बिसीले निर्देशन गरेका हुन् । दिपकराज गिरिको कथामा दिपेन्द्र खनिया र केशब न्यौपानेले चलचित्र निर्माण गरेका हुन् ।

नायिका स्वस्तिमा खडकाको मुख्य भूमिका रहेको यस गीतमा राजेन्द्र थापाको शब्द रचना, दिपक शर्माको संगीत रहेको छ । गीतमा गायक डेबिड शंकर र गायिका शहिमा श्रेष्ठ आवाज रहेको छ । 

चलचित्र प्रदर्शनको लागि फाल्गुन १९ गतेको मिति तय गरिएको छ । 

यस्ताे छ  भिडियाे