काठमाडौँ -युक्रेनले यस हप्ता किभमा युरोपेली संघसँग शिखर सम्मेलन गर्ने घोषणा गरेको छ ।
यो सम्मेलनले युद्धबाट पीडित राष्ट्रलाई ब्लकको सदस्यताको नजिक ल्याउने आशा व्यक्त गरेको छ ।
रुसले आक्रमण गरेको करिब १ वर्षपछि यो घोषणा आएको छ । राष्ट्रका नाममा सम्बोधनमा राष्ट्रपति भोलोदिमिर जेलेन्स्कीले शुक्रबारको शिखर सम्मेलनले किभले लामो समयदेखि सामेल हुन खोजेको २७ सदस्यीय समूहसँग उच्च ‘सहयोग र प्रगति’ प्रतिबिम्बित गर्ने आशा व्यक्त गरेका छन् ।
‘हामी युक्रेनका लागि समाचार पर्खिरहेका छौँ,’ जेलेन्स्कीले भने । युक्रेनको राजधानीमा हुन लागेको शिखर सम्मेलनले साझेदार र शत्रु दुवैलाई शक्तिशाली संकेत दिएको प्रधानमन्त्री डेनिस स्मिगलले बताए ।
भ्लादिमिर पुटिनले सीमा पार गर्दै रुसी सेना पठाएको केही महिनापछि युक्रेनले गत वर्ष जुनमा इयू उम्मेदवारको हैसियत पाएको थियो ।
युरोपेली संघको तर्फबाट शिखर सम्मेलनमा को–को सहभागी हुनेछन् भन्ने विवरण भने दिइएको छैन ।
