काठमाडौँ- पाकिस्तानको एक प्रहरी चौकीमा हमला गर्न आएका आतंककारीको प्रयासलाई यहाँको प्रहरीले असफल तुल्याइदिएको बताएका छन् ।
पेसाबरमा हमला गरेर कैयौँ मानिसको ज्यान लिएको केही दिनपछि पाकिस्तानको पूर्वी प्रान्त पञ्जाबमा रहेको एक प्रहरी चौकीमा मंगलबार मध्यरातितिर ठुलो संख्याका आतंककारीहरू शक्तिशाली हतियार लिएर पुगेका थिए ।
मध्यराति शक्तिशाली हतियारसहित आएका उनीहरूको प्रयासलाई असफल तुल्याएको पञ्जाब प्रहरीले जनाएको छ ।
पञ्जाबको प्रान्तीय प्रहरीका प्रवक्ता अनबर असमानले सो प्रहरी चौकीमा ठुलो संख्यामा प्रहरी रहेका र रातको समयमा सो चौकीमा क्षति पु¥याउने गरी आएका आतंककारीको प्रयासलाई असफल तुल्याएर ठुलो मानवीय क्षति हुनबाट जोगाएको बताए ।
सो प्रहरी चौकीमा यसअघि पनि आक्रमणको प्रयास गरेका थिए र प्रहरीले यसैगरी असफल तुल्याएको थियो । त्यसैले यस पटक आतंककारीहरू ठुलो संख्यामा आएको बताइएको छ ।
रातिको समयमा प्रहरी चौकीमा आक्रमण सुरु गरेका आतंककारीहरूलाई प्रहरीले प्रतिकार गर्दा कैयौँ घाइते भएका पनि प्रवक्ता अनबरले जानकारी दिए ।
