काठमाडौँ – मुटु, मस्तिष्क र फोक्सोजस्तै मिर्गौला पनि हाम्रो शरीरको एक महत्वपूर्ण अंग हो। यो सिमीको बीउ जस्तो आकारको हुन्छ जुन जोडीमा पाइन्छ। मिर्गौला को सबैभन्दा महत्त्वपूर्ण काम रगतबाट विषाक्त पदार्थलाई फिल्टर गर्नु हो र मिर्गौलाले यो काम नरोकिएर जतिखेर पनि गरिरहन्छ। शरीरको एउटा मिर्गौला बिग्रिए पनि अर्को मिर्गौलाबाट काम गर्न सकिन्छ तर मिर्गौला बिग्रनुअघि नै शरीरलाई केही महत्त्वपूर्ण संकेतहरू प्राप्त हुन थाल्छ । हामीले यी संकेतहरूलाई बेवास्ता गर्नु हुँदैन र चाँडै यसको उपचार गर्नुपर्छ। मिर्गौला फेल भएको देखाउने केहि यस्ता लक्षणहरुको बारेमा यहाँ चर्चा गरिएको छ ।
ती लक्षणहरू के हुन् ?
१) दिनभरका सा-साना काम गर्दा थकाइ लागेमा तपाईको शरिरबाट फोहोर पदार्थ बाहिर निस्किरहेको छैन र विषाक्त पदार्थहरु बाहिर ननिस्किरहेको मतलब तपाईको मिर्गौलाले राम्रोसँग काम गरिरहेको छैन भन्ने बुझ्नुहोस् । यस्तो समस्या भएमा तुरुन्तै चिकित्सकको सल्लाह लिनुपर्छ ।
२) शरीरबाट विषाक्त पदार्थ बाहिर निस्कन नसक्दा हाम्रो छाला सुख्खा हुन थाल्छ । छालामा चिलाउने र सुख्खापन मिर्गौला फेलको लक्षण हुन सक्छ।
३) मिर्गौला क्षतिको सबैभन्दा ठूलो लक्षण पिसाबमा रगत हुनु हो। सामान्यतया, मिर्गौलाले रगतको कोशिकाहरूलाई बचाउनको लागि पिसाब फिल्टर गर्न मद्दत गर्दछ, तर मिर्गौला क्षतिग्रस्त हुँदा, पिसाब छान्ने काम राम्रोसँग हुँदैन र रगत पनि आउन थाल्छ ।
४) यदि तपाइँ हरेक दिन मांसपेशी दुखाइ महसुस गर्दै हुनुहुन्छ भने, बुझ्नुहोस् कि कुनै प्रकारको मिर्गौला रोग हो किनभने यो शरीरमा इलेक्ट्रोलाइट्सको सन्तुलन गडबड हुँदा हुन्छ।
५) धेरै पटक सोडियम शरीरबाट बाहिर निस्कन नसक्ने कारणले जोर्नी, खुट्टा र अनुहारमा सुन्निन थाल्छ। मिर्गौलाले राम्ररी काम नगर्दा यस्तो हुन्छ अर्थात् शरीरमा सुन्निने समस्या देखिएमा तुरुन्तै चिकित्सकको सल्लाह लिनुपर्छ ।
