काठमाडौँ –मीनभवन क्याम्पसमा नेपाल विद्यार्थी संघका २ समूहबीच कुटपिट भएको छ ।  

बानेश्वरको मीनभवन क्याम्पसमा नेविसंघको २ समूहबीच झडप भएको नेपाल प्रहरीका प्रवक्ता पोषराज पोख्रेलले जानकारी दिए ।  

संस्थापन र इतर पक्षका २ समूहबीच झगडा भएको हो ।

झडप हुँदा ठूलो संख्यामा प्रहरी परिचाल गरिएको छ ।

एक पक्षले क्यामपसमा कार्यक्रम गर्न पाउनु पर्ने र अर्को पक्ष क्याम्पसमा कार्यक्रम दिर्न नदिने विषयमा विवाद हुँदा झडप भएको हो ।

२ समूहबीच ढुंगा हानाहान पनि भएको हो । 

नेविसंघ अध्यक्ष दुजाङ शेर्पामाथि एकलौटी गरेको आरोप लगाउँदै समानान्तर गतिविधि गर्दै आएको इतर समूह भेटघाट कार्यक्रम गर्न क्याम्पस पुगेका बेला संस्थापन समूहले ढुंगामुढा गरेको बताइएको छ । 

इतर समूहले नेविसंघको वैधानिक पूर्णताको मागसहित स्वतन्त्र विद्यार्थी युनियन (स्ववियु) निर्वाचनको तयारी र संगठन भित्रको एकाधिकारविरुद्ध खवरदारी भेला गर्दै निर्वाचन तयारी समिति गठन गरेर समानान्तर गतिविधि गर्दै आएको छ ।