नेभिगेशन
समाज विविध

रुपन्देहीका होटल तथा रेस्टुरेन्टको अनुगमन

रुपन्देही - रुपन्देहीका होटल तथा रेस्टुरेन्टहरूलाई खाद्य स्वच्छताका आधारमा स्तरीकरण सुरुआत गरिएको छ । खाद्य, प्रविधि तथा गुण नियन्त्रण कार्यालय भैरहवाले खाद्य स्वच्छताको मापदण्ड तय गरेर होटल तथा रेस्टुरेन्टको स्तरीकरण थालेको हो ।

खाद्य प्रविधि तथा गुण नियन्त्रण कार्यालय भैरहवाका प्रमुख विमलकुमार दाहालले कृषि तथा पशुपक्षी विकास मन्त्रालयले खाद्य स्वच्छताका आधारमा होटल तथा रेस्टुरेन्ट स्तरीकरण गर्ने निर्देशिका जारी गरेबमोजिम होटल तथा रेस्टुरेन्टको अनुगमन गरिएको बताए।

कार्यालयबाट खटिएका निरीक्षकको अनुगमनपछि परिणामका आधारमा होटल तथा रेस्टुरेन्टमा पुगेर स्टिकर टाँसिएको उनले बताए ।

अतिउत्तम, उत्तम, सन्तोषजनक र सामान्य गरी ४ वटा स्तर निर्धारण गरिएकाले सोही स्टिकरका आधारमा उपभोक्ताले होटल तथा रेस्टुरेन्टको गुणस्तर थाहा पाउने प्रमुख दाहालको भनाइ छ ।

जिल्लामा हालसम्म २५  होटल तथा रेस्टुरेन्टको अनुगमन गरिएकामा एउटा होटलमात्रै अतिउत्तम निर्धारण गरिएको छ । सय पूर्णा‌ंकमा मूल्यांकन गर्दा ९० भन्दामाथि अंक प्राप्त गर्ने होटल तथा रेस्टुरेन्टमा ३ वटा तारा भएको (क वर्ग) को हरियो स्टिकर टाँसिएको छ ।

(अतिउत्तम), ८० देखि ८९ सम्म अंक प्राप्त गर्नेलाई दुइटा तारा भएको (ख वर्ग)को हरियो स्टिकर (उत्तम), ६५ देखि ७९ सम्म ल्याउनेलाई एउटा तारा भएको हरियो स्टिकर तथा ६५ भन्दामुनि र ५० भन्दामाथि अंक प्राप्त गर्ने होटल तथा रेस्टुरेन्टमा पहेँलो स्टिकर टाँसिएको छ ।

स्वच्छताका आधारमा ५० बुँदामा प्रत्येक बुँदाको २ नम्बरको हिसाबले सय पूर्णांकको आधारमा ४ वटा श्रेणीमा स्तरीकरण गरिएको खाद्य प्रविधि तथा गुण नियन्त्रण कार्यालयले जनाएको छ ।

प्रकाशित मिति:
प्रतिक्रिया दिनुहोस्
लोकप्रीय
थप समाज विविध