रवि लामिछानेलाई ५ वर्ष कैद माग गर्दै उजुरी (निवेदनसहित)
काठमाडौँ– राष्ट्रिय स्वतन्त्र पार्टीका सभापति रवि लामिछानेविरूद्ध ५ वर्ष कैद सजाय र हदैसम्मको जरिमाना माग गरेर सरकारी वकिलको कार्यालय काठमाडौँमा उजुरी दर्ता भएको छ ।
युवराज पौडेल (सफल)ले मंगलबार जिल्ला सरकारी वकिलको कार्यालयमा उजुरी दर्ता गरेका हुन् ।
लामिछानेले लामिछानेले राहदानी ऐन २०२४ को दफा ५ को खण्ड (ख) र हाल प्रचलित राहदानी ऐन २०७६ को दफा २१ को खण्ड (क)ले निषेधित गरेको जान्दाजान्दै झुटो विवरण दिएर राहदानी लिएकाले उनलाई ५ वर्षको कैद सजाय हुने गरी मुद्दा चलाउन माग गरिएको छ ।
युवराज सफलले गत माघ १७ गते जिल्ला प्रहरी परिसर टेकु काठमाडौँमा जाहेरी दर्ता गर्न जाँदा प्रहरीले उजुरी लिन नमानेको भन्दै उजुरी दर्ताका लागि आदेश दिन पनि माग गरेका छन् ।
प्रहरीले सत्ता र शक्तिको आडमा उजुरी दर्ता गर्न नमानेको पौडेलले निवेदनमा उल्लेख गरेका छन् ।
पौडेलले रवि लामिछाने सांसदको उम्मेदवार हुन योग्य नरहेको भन्दै सर्वोच्च अदालतमा मुद्दा दर्ता गरेका थिए ।
उक्त मुद्दामा सुनुवाइ गर्दै अदालतले लामिछानेले नागरिकता पुनः प्राप्तिको प्रक्रिया पूरा नगरेको ठहर गर्दै सांसद पद खारेज गरिदिएको थियो ।
नेपाली नागरिक नै नभई नेपाली राहदानी लिएर प्रयोग गरेको विषयमा छानबिन हुनुपर्ने माग पौडेलले गरेका छन् ।
महामन्त्री राणा छुट्ने भएपछि प्रहरी परिसरमा राप्रपा कार्यकर्ताको भीड
सन्दर्भ विश्व सम्पदा दिवसः नासिए मौलिक सम्पदा
तोकिएको समयभित्र दर्ता नहुने सामाजिक सञ्जालमाथि प्रतिबन्ध लाग्छ : सञ्चारमन्त्री
बिस्केट जात्राको अन्तिम दिन हात नभएको लिङ्गो ढालियो
शिक्षक महासंघका प्रतिनिधिले प्रधानमन्त्री ओलीलाई साँझ भेट्दै
निजामती विधेयकमा व्यक्तिगत फाइदा हेरेका छैनौँ : रामहरि खतिवडा
राष्ट्रिय परीक्षा बोर्डले भन्यो- कक्षा १२ को परीक्षा स्थगित भएको छैन
