धनगढी– एमाले नेतृत्वको सरकार ढलेसँगै सुदूरपश्चिम प्रदेशमा नेपाली कांग्रेसका कमल बहादुर शाह मुख्यमन्त्री नियुक्त भएका छन्।
प्रदेश प्रमुख देवराज जोशीले संविधानको धारा १६८ को उपधारा ३ बमोजिम प्रदेश सभाको सबैभन्दा ठूलो संसदीय दलको नेताको हैसियतमा शाहलाई मुख्यमन्त्री नियुक्त गरेका हुन् ।
मुख्यमन्त्री शाहले एक महिनाभित्र विश्वासको मत लिनुपर्ने छ।
यसअघि आजै विश्वासको मत नपाएपछि मुख्यमन्त्री राजेन्द्र सिंह रावल नेतृत्वको सरकार ढलेको थियो । उनले प्रदेश प्रमुख जोशीसमक्ष राजीनामा बुझाएका थिए ।
नागरिक उन्मुक्ति पार्टीले विश्वासको मत नदिएपछि रावल नेतृत्वको सरकार ढलेको हो ।
प्रकाशित मिति: बिहीबार, माघ २६, २०७९ १९:४९
प्रतिक्रिया दिनुहोस्
