काठमाडौँ –नेपाली कांग्रेसका महामन्त्री गगन थापाले विशिष्ट व्यक्तिकहरूको सुरक्षासम्बन्धी कार्यविधि बदल्नुपर्ने सुझाएका छन् । राष्ट्रपति र अन्य विशिष्ट व्यक्तिहरूको सवारीका बेला नागरिकलाई असुविधा पु¥याउन नपाउने व्यवस्था गर्नुपर्ने महामन्त्री थापाले सुझाव दिएका छन् ।

थापाले सामाजिक सञ्जाल फेसबुकमा लेखेका छन्,  ‘निर्वाचित हुने नयाँ राष्ट्रपतिको पहिलो दिनबाट नै यो संशोधित कार्यविधि लागू हुने गरि अहिलेदेखि तयारी गरौँ र नयाँ राष्ट्रपतिसँगै नयाँ अभ्यासको थालनी गरौँ ।’

राष्ट्रपति संस्थाप्रति नागरिकको धारणा नकारात्मक हुँदै गएको उनको धारणा छ । महामन्त्री थापाले यसो हुनुमा तामझाम शैली पनि एक भएको टिप्पणी गरेका छन् । ‘संस्थालाई सम्मानित र मर्यादित बनाउन ‘नागरिकलाई दुःख दिने यो परम्परा र शैली बदलौँ’ फेसबुकमा थापाले लेखेका छन् ।