काठमाडौँ –सेगवे नाइनबटको नेपालका लागि आधिकारिक विक्रेता आई हब प्रालिले एन–सिरिजअन्तर्गतको नयाँ ई–स्कुटर सार्वजनिक गरेको छ । नाइनबट एन १०० ई–स्कुटर सार्वजनिक गरिएको हो । यो एन सिरिजअन्तर्गत नेपाली बजारमा सार्वजनिक पहिलो ई–स्कुटर हो ।
यसमा छिटो र प्रभावकारी यात्रा गर्ने उच्च कार्यक्षमता समावेश छ । एन १०० मा २२ सय वाटको अधिकतम पावर सेगवे कस्टमाइज्ड बुशलेस मोटरजडित छ । जसले गर्दा एकपटकको चार्जमा १०५ किमिसम्मको यात्रा गर्न सकिन्छ ।
यो ई–स्कुटर एलईडी लाइट, डिजिटल डिस्प्ले र राइडी गोजस्ता स्मार्ट टेक्नोलोजीसहित उत्कृष्ट सुविधाहरूले सुसज्जित छ । जसमा मोबाइल अनुप्रयोगमार्फत स्वचालित अनलक गर्ने वा स्कुटर पोजिसन गर्नेजस्ता कार्यका लागि धेरै सेन्सरहरू छन् ।
बलियो इन्जिन र प्रभावशाली ब्याट्रीहरूको अलावा यो आकारमा ठूलो छ । सेगवे नाइनबट एन १०० एक सुविधाजनक इलेक्ट्रिक स्कुटर हो । सहरी छोटो यात्राका लागि उपयुक्त रहेको कम्पनीले जनाएको छ ।
