काठमाडौँ –भारतीय महिला टिमसँग २ मैत्रीपूर्ण खेलका लागि नेपाली राष्ट्रिय महिला टिमको बिदाइ गरिएको छ ।
अखिल नेपाल फुटबल संघ (एन्फा) मुख्यालयमा आयोजित कार्यक्रममा नेपाली टिमको बिदाइ गरिएको हो ।
भारतीय फुटबल महासंघ (एआईएफएफ) को निम्तोमा नेपाली टिम भारत भ्रमणमा जान लागेको हो । नेपाली टिम सोमबार भारत प्रस्थान गर्नेछ ।
नेपालले फागुन ३ गते पहिलो र फागुन ६ गते दोस्रो मैत्रीपूर्ण खेल खेल्नेछ । दुवै खेल चेन्नईस्थित जवाहरलाल नेहरु रंगशालामा नेपाली समयअनुसार साँझ ७ः४५ बजेदेखि सुरु हुनेछ ।
यही खेलका लागि अखिल नेपाल फुटबल संघ (एन्फा)ले अनन्तराज थापालाई नेपाली टिमको मुख्य प्रशिक्षक र पारस चौधरीलाई सहायक प्रशिक्षकको रुपमा नियुक्त गरिएको छ ।
प्रकाशित मिति: आइतबार, माघ २९, २०७९ १२:३२
प्रतिक्रिया दिनुहोस्
