काठमाडौँ –राष्ट्रिय स्वतन्त्र पार्टी (रास्वपा) सरकारमा पुनः सहभागि हुने विषयमा छलफलमा जुटेको छ । प्रधानमन्त्रीको सरकारी निवास बालुवाटारमा आइतबार बिहान बसेको उच्चस्तरीय राजनीतिक संयन्त्रको बैठकले रास्वपालाई सरकारमा आउने आग्रह गरेको थियो । संयन्त्र बैठकले आग्रह गरेपछि रास्वपाले सरकारमा पुनः सहभागि हुने विषयमा छलफल थालेको हो । त्यहि विषयमा थप छलफल गर्न पार्टीकोे बैठक अहिले चलिरहेकोे छ । 

बालुवाटार बैठकमा पार्टी सभापति रवि लामिछाने पनि सहभागी भएका थिए । प्रधानमन्त्री पुष्पकमल दाहाल ‘प्रचण्ड’ र एमाले अध्यक्ष केपी शर्मा ओलीले सरकारमा सहभागी हुन आग्रह गरेपछि रास्वपा सरकारमा फर्कने विषयमा छलफल भइरहेको बैठकमा सहभागि रास्वपाका एक नेताले जानकारी दिए ।

रास्वपाका कारण राजनीतिक अस्थिरता नआओस् भनेर सरकारमा पुनः जाने गरी छलफल भइरहेको ती नेताले बताए ।