काठमाडौँ – अखिल नेपाल फुटबल संघ (एन्फा)ले फुटबलसम्बन्धी प्रदर्शनी गर्ने भएको छ ।
एन्फाले फागुन ४ र ५ गते सातदोबाटोस्थित एन्फा मुख्यालयमा नेपाली फुटबल इतिहासमै पहिलो पटक फुटबलसम्बन्धि प्रदर्शनी गर्न लागेको हो ।
प्रदर्शनीमा सहिद स्मारक ‘ए’, ‘बी’ र ‘सी’ डिभिजन लिगका क्लबहरूले स्टल राखेर क्लबसँग सम्बन्धित जर्सी, फुटबल सामग्रीहरू बिक्री गर्न पाउने र उपाधिहरू प्रदर्शनमा राख्न पाउनेछन् ।
यस प्रदर्शनीमा व्यावसायिक घराना र सेलिब्रिटी कलाकारहरूलाई पनि समेट्ने एन्फाले जनाएको छ । यस्तै, खेलकुद व्यवस्थापन विषय लिएर पढेकाहरूले अनुभव र सुझावहरू साट्न पनि प्रदर्शनी फलदायी हुने जनाइएको छ ।
प्रकाशित मिति: आइतबार, माघ २९, २०७९ १४:५३
प्रतिक्रिया दिनुहोस्
