काठमाडौँ –नेकपा माओवादी केन्द्रले सोमबार जनयुद्ध दिवस मनाएको छ ।
सरकारले जनयुद्ध दिवसको अवसरमा सोमबार सार्वजनिक बिदा समेत दिएको छ । संविधान सभाबाट संविधान बनाउनुपर्ने, राजतन्त्रको अन्त्य र जनवादी व्यवस्थाको स्थापना गर्ने भन्दै रोल्पा, सिन्धुली र गोरखाका प्रहरी चौकीमा आक्रमण गरेर तत्कालीन विद्रोही माओवादीले फागुन २०५२ साल १ गते सशस्त्र विद्रोहको सुरुवात गरेको थियो ।
सशस्त्र विद्रोह सुरु भएको दिनलाई माओवादीहरूले जनयुद्ध दिवसका रूपमा मनाउँदै आएका छन् । सोही अवसरमा सोमबार पेरिसडाँडास्थित माओवादी केन्द्रको पार्टी कार्यालयमा पनि विशेष कार्यक्रमको आयोजना गरिएको छ ।
कार्यक्रमलाई पार्टी अध्यक्ष एवं प्रधानमन्त्री पुष्पकमल दाहालले सम्बोधन गरेका छन् ।
प्रकाशित मिति: सोमबार, फागुन १, २०७९ ०९:५३
प्रतिक्रिया दिनुहोस्
