काठमाडौँ– भारतका विदेश सचिव विनयमोहन क्वात्रा सोमबार नेपाल आइपुगेका छन् । उनी सोमबार बिहान काठमाडौँ आइपुगेका हुन् ।
.jpg)
क्वात्रालाई परराष्ट्र सचिव भरतराज पौड्याललगायतले त्रिभुवन विमानस्थलमा गएर स्वागत गरेका थिए।
क्वात्रा उनै परराष्ट्र सचिव पौड्यालको निमन्त्रणामा ३ दिने भ्रमणका लागि नेपाल आएका हुन् ।
उनले फागुन १ देखि २ गतेसम्म नेपालको औपचारिक भ्रमण गर्ने परराष्ट्र मन्त्रालयले जनाएको छ ।
भ्रमणका क्रममा सचिवद्वय पौड्याल र क्वात्राले नेपाल र भारतबीचको बहुआयामिक सहकार्यका विविध पक्षबारे छलफल गर्ने छन् ।
सो अवसरमा उनीहरूबीच कनेक्टिभिटी, ऊर्जा व्यापार, कृषि, स्वास्थ्य, संस्कृतिलगायत द्विपक्षीय सहयोगका विविध विषयमा छलफल हुने मन्त्रालयले हालै जारी गरेको विज्ञप्तिमा उल्लेख छ ।
प्रकाशित मिति: सोमबार, फागुन १, २०७९ ११:४५
प्रतिक्रिया दिनुहोस्
