काठमाडौँ –नेपाली कांग्रेसका नेता तथा पूर्वमन्त्री मिनेन्द्र रिजालले संविधान र शान्ति सम्झौताको मर्मविपरीत ‘जनयुद्ध दिवस’ मनाउने सरकारको निर्णयप्रति कांग्रेसको आधिकारिक धारणा माग गरेका छन् ।

सरकारको निर्णयबारे प्रश्न उठाउँदै नेता रिजालले कांग्रेस महान्त्रीद्वय गगन थापा र विश्वप्रकाश शर्माका साथै प्रवक्ता प्रकाशरण महतको समेत धारणा माग गरेका हुन् । उनले सरकारको निर्णयलाई वृहत् शान्ति सम्झौता र संविधान विपरीत भनेका छन् ।

सामाजिक सञ्जाल फेसबुका लेख्दै रिजालले भनेका छन्– ‘एमालेको दह्रो समर्थनमा बनेको माओवादी नेतृत्वको सरकारले वृहत् शान्ति सम्झौता र नेपालको संविधान तथा यसमा अन्तर्निहित मर्म विपरीत घोषणा गरेको कथित ‘जनयुद्ध दिवस’ बारे हाम्रो दल नेपाली काङ्ग्रेसको आधिकारिक धारणा अहिले कि राष्ट्रपति निर्वाचन पछि? आदरणीय महामन्त्रीद्वय तथा प्रवक्ताज्यू ।’