काठमाडौँ– आइसिसी लिग –२ अन्तर्गत त्रिकोणात्मक क्रिकेट सिरिज आजदेखि काठमाडौँमा सुरु हुँदै छ । त्रिकोणात्मक सिरिजमा नेपाल, नामिबिया र स्कटल्यान्ड खेल्दै छन् । आज हुने उद्घाटन खेलमा नेपालले नामिबियाको सामना गर्ने छ।

पछिल्लो समय खराब समय र लयमा रहेको नेपाली टोलीलाई घरेलु मैदानमा सुखद नतिजा निकाल्नुपर्ने दबाब छ ।

खेलअघिको पत्रकार सम्मेलनमा नेपाली टोलीका कप्तान रोहित पौडेलले  सिरिज नेपालका लागि निकै महत्वपूर्ण रहेको बताएका छन् ।

घरेलु मैदानमा खेल भए पनि आफूहरुलाई कुनै दबाब नभएको बरु यसको फाइदा लिने उनको भनाइ छ ।

खेल बिहान ९ बजे कीर्तिपुरस्थित त्रिवि मैदानमा हुने छ । 

यस्तो छ खेल तालिका :

फागुन २ गते  नेपालविरुद्ध नामिबिया

फागुन ३ गते  : नामिबियाविरुद्ध स्कटल्यान्ड

फागुन ५ गते  : नेपालविरुद्ध स्कटल्यान्ड

फागुन ६ गते  :  नेपालविरुद्ध नामिबिया

फागुन ८ गते  :  नामिबियाविरुद्ध स्कटल्यान्ड

फागुन ९ गते  :  नेपालविरुद्ध स्कटन्याण्ड ।