काठमाडौँ– आइसिसी लिग –२ अन्तर्गत त्रिकोणात्मक क्रिकेट सिरिजअन्तर्गत केहीबेरपछि सुरु हुने नामिबियाविरुद्धको पहिलो खेलमा नेपालले टस जितेर फिल्डिङ गर्ने निर्णय गरेको छ ।
कीर्तिपुरस्थित त्रिवि क्रिकेट मैदानमा नेपालका कप्तान रोहित पौडेलले टस जितेर पहिले फिल्डिङ गर्ने निर्णय गरेका हुन् ।
त्रिकोणात्मक सिरिजमा नेपाल, नामिबिया र स्कटल्यान्ड खेल्दै छन् । आज हुने उद्घाटन खेलमा नेपालले नामिबियाको सामना गर्ने छ।
पछिल्लो समय खराब समय र लयमा रहेको नेपाली टोलीलाई घरेलु मैदानमा सुखद नतिजा निकाल्नुपर्ने दबाब छ ।
खेल बिहान ९ बजे सुरु हुनेछ ।
प्रकाशित मिति: मंगलबार, फागुन २, २०७९ ०८:३०
प्रतिक्रिया दिनुहोस्
