अमेरिकाको मिसगन स्टेट युनिभर्सिटीमा गोली चल्दा ३ जनाको मृत्यु भएको छ भने अन्य ५ जना घाइते भएका छन् ।
विश्वविद्यालय प्रहरीका अनुसार सोमबार राति विश्वविद्यालयका २ स्थानमा गोली हानाहान भएको हो ।
मास्क लगाएका होचो कदका व्यक्तिले गोली चलाएकाे अनुमान गरिएको प्रारम्भिक अनुसन्धानपछि प्रहरीले जनाएको छ । अभियुक्तको खोजी भइरहेको प्रहरीले जनाएकाे छ ।
विश्वविद्यालय प्रशासनले विद्यार्थीहरूलाई तत्काल सुरक्षित रहन सन्देश प्रवाह गरेको थियो ।
गोलीकाण्डबारे जानकारी प्राप्त हुनेबित्तिकै करिब ३० वटा दमकल, एम्बुलेन्स र अन्य आपत्कालीन सवारीसाधन विश्वविद्यालय पुगेका थिए ।
प्रकाशित मिति: मंगलबार, फागुन २, २०७९ १३:३३
प्रतिक्रिया दिनुहोस्
