काठमाडौँ– बागमति प्रदेशका श्रम तथा यातायात मन्त्री एकालाल श्रेष्ठले सवारी चालक अनुमतिपत्र लाइसेन्सको ट्रायलमा ७० अंक ल्याए उत्तिर्ण हुने प्रणालीको औपचारिक सुरुवात गरेको छन् । हेटौडामा एक कार्यक्रमको आयोजना गर्दै मन्त्री श्रेष्ठले सवारी चालक अनुमतिपत्र परीक्षा सञ्चालन कार्यविधि निर्देशिका लागू गरिएको बताए।
विगतमा पटक–पटक लागू हुन नसकेको निर्देशिका मंगलबारदेखि बागमति प्रदेशका सुरुवात भएको हो ।
सवारी चालक अनुमतिपत्र परीक्षा सञ्चालन कार्यविधि निर्देशिका, २०७७ (संशोधित)अनुसार परीक्षार्थीले लिखित परीक्षामा १०० पूर्णांकमा ६० अंक ल्याउनुपर्छ भने प्रयोगात्मक परीक्षा ९ट्रायल० लाई ७ वटा चरणमा छुट्याइएको छ । यी ७ चरण कटाउँदा परीक्षार्थीले ७० अंक ल्याउनुपर्नेछ ।
ए र के वर्ग ९मोटरसाइकल र स्कुटर०को हकमा पहिलो चरणको घुमाउरो ८ को अंकभार २० कायम गरिएको छ । एक पटक अंकित रेखा छोएमा ५ र एक पटक खुट्टाले भुइँमा टेकेमा ५ अंक काटिनेछ ।
त्यस्तै, एक पटकभन्दा धेरै अंकित रेखा छोएमा फेल गराइनेछ । साँघुरो फलकको अंकभार १०, तेस्रो चरणको युटर्नको अंकभार १० कायम गरिएको छ ।
इन्डिकेटर लाइट नबालेमा १० अंक घटाइनेछ भने अंकित रेखा छोएमा अनुत्तीर्ण घोषणा गरिनेछ ।
चौथो चरणको ट्राफिक संकेतको अंकभार १५ छ । संकेत पालना नगरे १५ नम्बर घटाइनेछ । तर फेल भने हुने छैन ।
स्पिड ब्रेकर ९बम्प्स० को अंकभार १५ छ । यसमा एक पटकसम्म खुट्टाले भुइँमा टेकेमा ५ र एक पटकसम्म स्टार्ट बन्द भएमा ५ अंक काटिनेछ ।
त्यस्तै, एक पटकभन्दा धेरै खुट्टाले भुइँमा टेकेमा र एक पटकभन्दा धेरै स्टार्ट बन्द भएमा अनुत्तीर्ण घोषणा गरिनेछ ।
काठमाडौं । बागमती प्रदेशमा पनि अब अंकभारमा आधारित सवारी चालक अनुमतिपत्र लाइसेन्स परीक्षा प्रणाली सुरु भएको छ । मंगलबार हेटौंडामा एक कार्यक्रमका बीच बाग्मती प्रदेशका श्रम तथा यातायात मन्त्री एकालाल श्रेष्ठले अंकभारमा आधारित परीक्षा प्रणालीको सुरुवात गरेका हुन् ।
१९ चैत २०७७ मा यातायात व्यवस्था विभागले १ जेठ २०७८बाट लागु हुने गरी अंकभारमा आधारित लाइसेन्स परीक्षा प्रणाली सम्बन्धी निर्देशिका जारी गरेको थियो । अहिलेसम्म बाग्मती प्रदेशले नै यो प्रणालीबाट परीक्षा लिन चासो दिएको थिएन ।
पुरानो प्रणालीअनुसार प्रयोगात्मक परीक्षामा एउटै गल्ती भए पनि लाइसेन्स लिन अयोग्य हुने अवस्था थियो । तर नयाँ निर्देशिकाअनुसार ट्रायलका विभिन्न चरणलाई फरक–फरक अंकभार दिइएको छ र ७० अंक ल्याएमा लाइसेन्स लिन योग्य हुनेछ । अर्थात् सामान्य गल्ती गरे पनि लाइसेन्स पाउनबाट वञ्चित हुनुपर्दैन ।
नयाँ निर्देशिकाअनुसार विभागले परीक्षाका लागि ५०० वटा वस्तुगत प्रश्नको संग्रह सार्वजनिक गरेको छ । विभागले ‘क’ ‘ख’ र ‘ट’ वर्गको मोटरसाइकल, स्कुटर र मोपेडसहित ‘ख’ वर्गको कार, जिप र डेलिभरी भ्यान र ठूला सवारीको लाइसेन्सको लिखित परीक्षामा सोधिने प्रश्नपत्र सार्वजनिक भएको छ ।
त्यही संग्रहभित्रबाट लिखित परीक्षामा अब ४र४ नम्बरका २५ प्रश्न सोध्ने व्यवस्था गरिएको छ । ती प्रश्नको अंकभार सय नम्बरको हुनेछ । नयाँ व्यवस्था अनुसार लिखित परीक्षामा ६० अंक ल्याउनुपर्ने हुन्छ ।
