काठमाडौँ -कुशल भुर्तेलले विश्वकप लिग–२ मा नामिबियाविरुद्धको खेलमा मंगलबार शतक बनाएका छन् ।
एक दिवसीयमा यो उनको पहिलो शतक हो । २०२१ को सेप्टेम्बरमा अमेरिकाविरुद्ध लिग–२ कै खेलमा ओमानको मस्कटमा बनाएको ८४ रन नै उनको उच्च स्कोर थियो । कुशल एकदिवसीय अन्तर्राष्ट्रिय शतक बनाउने नेपालका पहिलो ओपनर पनि हुन् ।
एकदिवसीय अन्तर्राष्ट्रिय र ट्वान्टी–२० अन्तर्राष्ट्रिय दुवैमा शतक बनाउने उनी नेपालको तेस्रो खेलाडी बनेका छन् ।
कुशलले गत वर्ष ओमानमै ट्वान्टी–२० विश्वकप छनोटमा फिलिपिन्सविरुद्ध अविजित १०४ रन बनाएका थिए । ट्वान्टी–२० अन्तर्राष्ट्रियमा यसअघि उनको यो शतक थियो ।
यसअघि पारस खड्का र दीपेन्द्रसिंह ऐरीले एक दिवसीय अन्तर्राष्ट्रिय र ट्वान्टी–२० अन्तर्राष्ट्रिय गरी दुवै संरचनामा शतक बनाएका छन् ।
यो समाचार तयार पार्दासम्म कुशल १११ रन बनाएर खेलिरहेका छन् ।
प्रकाशित मिति: मंगलबार, फागुन २, २०७९ १६:३२
प्रतिक्रिया दिनुहोस्
