काठमाडौँ– नेपाली चलचित्र क्षेत्रकी चर्चित अभिनेत्री तथा इसेवा मनी ट्रान्सफरको ब्रान्ड फेस स्वस्तिमा खड्का संयुक्त राज्य इमिरेट्स (युएई) जाने भएकी छिन् ।

इसेवा मनी ट्रान्सफरको ‘मेरो डिजिटल देश’ योजनाअन्तर्गत अल अन्सारी एक्सचेन्ज र इसेवा मनी ट्रान्सफरको निम्तोमा अभिनेत्री खड्का फेब्रुअरी १८ मा (आगामी शनिबार) युएई जान लागेकी हुन् । 

खड्का शनिबार साँझ ५ बजेदेखि साढे ६ बजेसम्म अल खाइल मल शाखामा, १९ फेब्रुअरी आइतबार दिउँसो २ देखि ३ बजेसम्म सेन्ट्रल मल शाखामा रहने बताइएको छ । 

यस्तै १९ फेब्रुअरीकै दिन दुबईस्थित अल घुराइर मलमा आयोजना हुने विशेष कार्यक्रममा पनि सहभागी हुने कार्यक्रम छ । त्यहाँ खड्काले ४ देखि साँझ ७ बजेसम्म डिजिटल रेमिट्यान्सबारे छलफल र नेपालीहरूसँग अन्तक्र्रिया गर्ने कार्यक्रम छ । 

सोमबार आबुधाबीस्थित हमदान शाखामा दिउँसो ४ बजे देखि ५ बजेसम्म स्वस्तिमाले रेमिट्यान्सबारे छलफल गर्ने बताइएको छ । अल अन्सारी एक्सचेन्ज युएईको सबैभन्दा ठुलो  रेमिट्यान्स कम्पनी हो ।

इसेवाले सञ्चालन गरेको ‘मेरो डिजिटल देश’ योजनाले विश्वभरबाट नेपालमा बैंक खाता वा वालेटमार्फत रेमिट्यान्स भित्र्याउन विभिन्न कार्यक्रम गर्नुका साथै यो अभियानमा सहभागीहरूलाई विभिन्न उपहार समेत दिइरहेको छ ।

यस योजनाअन्तर्गत डिजिटल माध्यमबाट रेमिट्यान्स पठाउने १ जनालाई काठमाडौँमा घरसमेत दिने योजना इसेवाले अघि सारेको छ ।

अभिनेत्री खड्काले यो योजनाअन्तर्गत विदेशमा श्रम गरेर देशको अर्थतन्त्रमा महत्त्वपूर्ण योगदान दिइरहेका नेपाली भेट्न आफू निकै उत्साहित रहेको बताएकी छिन् । 

युएईमा आफूले सकेसम्म धेरै नेपालीसँग भेट्ने आकांक्षा रहेको बताउँदै स्वस्तिमाले कार्यक्रममा सहभागी हुन युएईमा रहेका सम्पूर्ण नेपालीलाई अनुरोध गरेकी छिन् ।